კოლხური ბზა

ბოლო წლებია  გადაშენების საფრთხე ემუქრება კოლხური ბზას, როგორც უნიკალურ რელიქტურ სახეობას.   ეს პროცესი მწვავედ მიმდინარეობს აჭარის ტყის ფონდის ტერიტორიაზე არსებულ ბზის  კორომებშიც. ხმობის მიზეზს წარმოადგენს სოკოვანი დაავადება - ე.წ. „ ბზის სიდამწვრე ’’ , რომელმაც ბზის უნიკალური  კორომები თითქმის სრულიად გაანადგურა. დაავადების გამომწვევია პათოგენი სოკო „Cylindrocladium buxicola”. რომელიც ძალიან სწრაფად ვითარდება და რამდენიმე საათში მერქნის დაზიანებას იწყებს. 

აღნიშნულ სოკოვან დაავადებას ახასიათებს შემდეგი სიმპტომები: ახალდაინფიცირებულ ფოთლებზე ჩნდება მუქი ყავისფერი ლაქები, ფოთოლი კარგავს სიმწვანეს, თანდათან ხდება ქლოროტული და სცვივა.  ეს პროცესი მეორდება რამდენჯერმე, შემდეგ იწყებს ხმობას  მცენარის ტოტები და საბოლოოდ ბზაც ხმება. ბზის ხმობას იწვევს აგრეთვე, ბაქტერიები, ნიადაგის სოკოები, და უნაყოფო სოკოს მიცელიუმი, რომელის ზემოქმედებით  ზიანდება მცენარის ფესვის  ბუსუსები და მიმდინარეობს ლპობა, კვების რეჟიმი ირღვევა და მცენარე ჭკნება, ფოთლები ცვივა და ხმება. 

ვრცლად...

ქედის სატყეო ადმინისტრაციის შენობის სარეალიბიტაციო სამუშაოები დასრულდა

 დასრულდა სსიპ აჭარის სატყეო სააგენტოს ქედის სატყეო            ადმინისტრაციის შენობის სარეალიბიტაციო სამუშაოები, რაზედაც    77000 (სამოცდაჩვიდმეტი ათასი) ლარი იქნა გახარჯული.

ვრცლად...

საქართველოს ნაძვნარებში ქერქიჭამიების მასიური გავრცელება და პრევენცია

საქართველოს ნაძვნარებში ქერქიჭამიების მასიური გავრცელება და მათ მიერ გამოწვეული უარყოფითი ზემოქმედების შედეგები ჯერ კიდევ გასული საუკუნის დასაწყისიდან არის ცნობილი. პროფესორ ვინოგრადოვ-ნიკიტინის და ზაიცევის შრომაში ,,მასალები კავკასიის ქერქიჭამიების შესწავლისათვის“ აღნიშნულია, რომ 1904 წელს ბორჯომის ტყეებში არსებობდა ქერქიჭამიების ძლიერი კერები და ბრძოლის ჩატარების მიზნით გამოყვეს 4000 ძირი საჭერი ხე, რომლებიც მავნებლის მოსპობის მიზნით თავის დროზე არ იყო მოჭრილი და გაქერქილი, რამაც მავნებლის განადგურების ნაცვლად, მათი მასობრივი გამრავლება გამოიწვია.

რაჭის ტყეებში (სადმელის უბანი) 1912-1913 წლებში, მოიჭრა უამრავი ხე, რამაც როგორც ქერქიჭამიების, ისე ღეროს სხვა მავნე მწერების მასობრივი გამრავლება გამოიწვია, ხოლო 1942-1945 წლებში, ღონისძიებების ჩაუტერებლობის მიზეზით, მავნე მწერები მასობრივად იმდენად გამრავლდნენ, რომ ბაღდათის რაიონის (მაშინდელი მაიაკოვსკის რაიონი) სატყეო მეურნეობაში, მილიონზე მეტი ხე გახმა.

ბოლო პერიოდში კლიმატის მყისიერმა ცვლილებებმა ისევ შეუწყო ხელი ქერქიჭამია მწერების მასიურ გამრავლება-გავრცელებას. მათი უარყოფითი ზემოქმედება განსაკუთრებით შეინიშნება ხანგრძლივი გვალვების დროს თხელ, განუვითარებელ ნიადაგებზე. ამ დროს მცენარე ვერ ახერხებს ნიადაგიდან საკვების ათვისებას, რის გამოც ხეები სუსტდება და მასზე იოლად სახლდება მავნებელი, რის გამოც ხეები იწყებს ჯერ ხმობას შემდეგ კი კვდომას.

ვრცლად...

სატყეო სამეურნეო გზების მშენებლობა

დასრულდა სატყეო სამეურნეო გზების მშენებლობა ხულოს სატყეო ადმინისტრაციის ხულო-ღორჯომის  სატყეოს კვარტალ ნაფლატში სადაც მოეწყო 1300მ ახალი  და შეკეთდა 700მ არსებული გზა,კვარტალ საფილეთში მოეწყო 800მ ახალი და შეკეთდა 1200მ არსებული გზა.ზეგნის სატყეოს კვარტალ დიდი რიყეთში  მოეწყო 400მ ახალი სატყეო სამეურნეო გზა,კვარტალ N-2-ში მოეწყო 400მ ახალი და შეკეთდა 500მ არსებული გზა. ხიხაძირის სატყეოს კვარტალი N-18-ში მოეწყო 1500მ ახალი და შეკეთდა 300მ არსებული   გზა.

ვრცლად...

ტყის ბუნებრივი განახლების ხელშეწყობა

სსიპ აჭარის სატყეო სააგენტო სუბალპური ტყეების მდგრადობის შენარჩუნების მიზნით 2013 წლიდან ყოველწლიურად ახორციელებს პროგრამას ტყის ბუნებრივი განახლების ხელშეწყობის ღონისძიებებს.

ვრცლად...