ბუნების ძეგლები
ბუნების ძეგლები ,,წითელი ნუსხის სახეობები'' ...იხ. ვრცლად...
საინტერესო ადგილები
აჭარის საინტერესო ადგილებიიხ. ვრცლად...
ფოტო გალერეა
იმოგზაურეთ ვირტუალურად ჩვენს კუთხეშიიხ. ვრცლად...
ტერიტორიული ერთეულები
სააგენტოს ტერიტორიული ერთეულებიიხ. ვრცლად...
ტყის აღდგენის ბუნებრივი პროცესის ხელშეწყობა
ტყის აღდგენის ბუნებრივი პროცესის ხელშეწყობის მიზნით, შუახევის მუნიციპალიტეტის სოფლებთან, იქ სადაც იყო წიწვოვანების მასიური ხმობა და ჩატარდა სანიტარული ჭრები: ბესელაშვილები, ბუთურაული და ნიგაზეული, განხორციელდა დეგრადირებული ტყის უბნების შემოღობვა, ტყის აღდგენის ხელშეწყობის მიზნით. შემოიღობა ჯამში 100 ჰაზე მეტი ტყის ფართობი. შემოღობვამდე უბნები გაიწმინდა ნარჩენებისა და სარეველებისაგან, მომზადდა ნიადაგი და მიღებულ იქნა სხვა საჭირო ზომები. თითოეულ უბანთან დამონტაჟდა ბანერები.
ტყის ბუნებრივი განახლების სამუშაოები
- სსიპ აჭარის სატყეო სააგენტოსა და WWF კავკასიის ოფისის,
- ტყის აღდგენის ხელშეწყობის სამუშაოების პროგრამის ერთობლივი
- დაფინანსების ფარგლებში, ხულოს სატყეო ადმინისტრაციის ზეგნის
- სატყეოს სუბალპურ სარტყელში კვარტალ 17-ში, განხორციელდა
- ტყის ბუნებრივი განახლების სამუშაოები.
სსიპ აჭარის სატყეო საგენტო მასპინძლობდა საქართველოს ეროვნული სატყეო პროგრამის ფარგლებში I სამუშაო ჯგუფის „ტყის აღდგენა და დაცვა“ დაგეგმილ ღონისძიებებს
2022 წლის 22, 23 და 24 ივნისს სსიპ აჭარის სატყეო საგენტო მასპინძლობდა საქართველოს ეროვნული სატყეო პროგრამის ფარგლებში I სამუშაო ჯგუფის „ტყის აღდგენა და დაცვა“ დაგეგმილ ღონისძიებებს.
დღის წესრიგის შესაბამისად პირველი დღე დაეთმო სსიპ აჭრის სატყეო სააგენტოში ვიზიტს. წარმოდგენილი იქნა პრეზენტაციები , როგორც სსიპ ეროვნული სატყეო სააგენტოს და სსსიპ დაცული ტერიტორიების, ასევე სსიპ აჭარის სატყეო სააგენტოს მართვას დაქვემდებარებულ ტერიტორიებზე გასულ წელს განხორციელებული საქმიანობების შედეგების განხილვისა და გასატარებელი ღონისძიებების შესახებ. შეხვედრის მონაწილეებს შორის მოხდა აზრთა გაზიარება და მსჯელობა ტყის დაცვის, ტყის მოვლა-აღდგენისა და ტყის მავნებელი დაავადებების წინააღმდეგ ბრძოლის მიმდინარე და სამომავლო გეგმებზე.
პროექტი „ტყის ხელუხლებელი კორომების შენარჩუნება აჭარის ავტონომიურ რესპუბლიკაში - ფაზა III”
პროექტი „ტყის ხელუხლებელი კორომების შენარჩუნება აჭარის ავტონომიურ რესპუბლიკაში - ფაზა III”
აჭარაში იწყება ახალი პროექტი „ტყის ხელუხლებელი კორომების შენარჩუნება აჭარის ავტონომიურ რესპუბლიკაში - ფაზა III”, რომელსაც განახორციელებს ააიპ „თემი და გარემო“ აჭარის ავტონომიური რესპუბლიკის მთავრობის საქვეუწყებო დაწესებულების – გარემოს დაცვისა და ბუნებრივი რესურსების სამმართველოსა და აჭარის სატყეო სააგენტოსთან თანამშრომლობით. პროექტის ფინანსურ მხარდაჭერას უზრუნველყოფს ფონდი AAGE V. Jensen Naturfond.
პროექტი ითვალისწინებს აჭარაში არსებული ტყის ხელუხლებელი კორომების დაცვასა და შენარჩუნებას ტყის აღდგენის ბუნებრივი პროცესის ხელშეწყობით, კერძოდ, სულ მცირე 4 კორომის (დაახლოებით 100 ჰექტარი) შეღობვის და მოვლის სათანადო ღონისძიებების გატარების გზით. წარმოდგენილი პროექტი შემუშავდა აჭარის გარემოს დაცვისა და ბუნებრივი რესურსების სამმართველოსა და „თემი და გარემოს“ შორის 2018 წელს ხელმოწერილი ურთიერთგაგების მემორანდუმის ფარგლებში, რომელიც მიზნად ისახავს აჭარის ავტონომიური რესპუბლიკის ტერიტორიაზე ტყის ხელუხლებელი კორომების წარმატებით შენარჩუნებას.
ტყეთმოწყობითი სამუშაოების მონიტორინგი
სსიპ აჭარის სატყეო სააგენტოს სპეციალისტების მიერ ქობულეთისა და ქედის სატყეო ადმინისტრაციების სახელმწიფო ტყის ფონდის 43000 ჰექტარ ფართობზე, განხორციელდა, ტენდერში გამარჯვებული კომპანიის შპს ,,გის“ და დისტანციური ზონდირების საკონსულტაციო ცენტრის "გეოგრაფიკის" მიერ შესრულებული ტყის ინვენტარიზაციის (ტყეთმოწყობა) საველე სამუშაოების მონიტორინგი.
სასარგებლო ბმულები
